Vazhdon misteri i zhdukjes së Moisi Habilajt! Meridionews.it ka publikuar një artikull të plotë lidhur me lëvizjet e fundit të bossit shqiptar të drogës, të dënuar me 15 vite e 5 muaj burg. Sipas medias italiane, Habilaj është dërguar në Komisariatin e Catanias, më datë 30 dhjetor, pa praninë e avokatëve të tij, ndërsa gruaja kishte shkuar me traget në Itali për të festuar ndërrimin e viteve me të. Ndërkohë që këmbëngulin për detaje, gazetarët italianë janë përballur me heshtjen e autoriteteve që lanë t’u largohej një prej personazheve më të rrezikshëm të trafikut të lëndëve narkotike nga Shqipëria për në Itali.
ARTIKULLI I PLOTË:
Rindërtimi i çfarë ka ndodhur ditët e fundit të paraburgimin në shtëpi të trafikantit shqiptar të drogës Moisi Habilaj është pak a shumë si të fundosesh në rërë. Në këtë moçal, e vetmja gjë e sigurt, Habilaj u zhduk nga banesa ku jetonte në San Michele di Ganzaria, në provincën e Catanias, më 9 janar. Lidhur me çështjen uk ka komunikime zyrtare nga zyra e prokurorit dhe agjencitë e zbatimit të ligjit, dhe duket qartë se po mbahet e fshehtë. Kapitulli i fundit i kësaj historie sekretesh të çon në periudhën e festave të fundvitit. Ato ditë është nisur nga Shqipëria e shoqja dhe fëmijët, duke zbarkuar në Itali me anije. Fillimisht ndaluan në portin e Brindizit, pastaj udhëtimin e vijuan për në Siçili. Gjashtëqind e njëzet e katër kilometra dhe pak më pak se tetë orë për të arritur San Michele di Ganzaria. Gjatë këtij udhëtimi, gruaja është ndaluar nga forcat e rendit. Kontroll rutinë në kuadrin e normativës anti-Covid-19 që parashikon përligjjen e çdo lëvizjeje me certifikatën e duhur. Kështu vijmë në datën 30 dhjetor. Atë ditë policia trokiti në derën e Habilajve. Ata janë burrat e skuadrës së lëvizshme Catania me mbështetjen e kolegëve nga stacioni policor Caltagirone. Burri, siç raportojnë burime të ndryshme për MeridioNeës, është marrë dhe dërguar në zyrat në Via Santa Maria di Gesù. Për çfarë arsye? Askush nuk duket se dëshiron të përgjigjet për pyetjen. Avokatët e trafikantit të drogës, më 30 dhjetor, nuk janë të pranishëm dhe as nuk njoftohen nga Policia. Agjentët e Caltagirone nuk merren me atë shërbim dhe me sa duket ata as nuk hyjnë në dhomën ku është Habilaj. Mbetet grupi i gatshëm i policisë së Catanias, por roli është i gjithi për t’u zbuluar. Edhe për shkak se e vetmja përgjigje që jepet nuk zbulon asgjë: Ne nuk kemi asnjë informacion. Misteri vazhdon, versionet e kundërta i japin tjretër kontekst mjegullës së madhe. Në fund të atij 30 dhjetori, Habilaj kthehet në shtëpi. Në ditët në vijim, në fillim të vitit 2021 gruaja e tij largohet për në Shqipëri. Smartphone-i i tij do të kishte ndaluar të bie të Shtunën 9 Janar. Vëllai tenton ta telefonojë por më kot. Në ditët në vijim, për një kontroll normal të të arrestuarve në arrest shtëpie, karabinierët i shfaqen në derë. Por është e qartë: Habilaj nuk gjendet askund! Vetëm në mes të dhjetorit burri mori konfirmimin në apel të dënimit me 15 vjet e 5 muaj për trafik ndërkombëtar droge në aksin Shqipëri-Siçili. Me kalimin e viteve ai do të kishte pasur marrëdhënie me disa tregtarë me shumicë të drogës pranë familjes Cosa Nostra dei Santapaola dhe me klanin Cappello. Një histori që në Shqipëri pati një jehonë të madhe mediatike për shkak të farefisnisë së Habilajt me ish-ministrin e Brendshëm Saimir Tahiri, gjithashtu ky i fundit dyshohej se ishte në dijeni të çështjeve të të afërmit të tij, por me një dosje të ngritur në gjykatën e Katanias. Pas arrestimit, trafikanti i drogës kishte rënë dakord të fliste me magjistratët italianë dhe shqiptarë. Disa pohome të “punëve” dhe asnjë gisht drejt Tahirit. Kjo deri në maj të vitit të kaluar kur gjyqtarët vendosën ta dërgojnë atë, pa byzylyk në një shtëpi në San Michele di Ganzaria. Ky nuk është një vend i rastësishëm, sepse vëllai i tij Gazmendi jeton në qytetin e vogël të Calatinos. Për disa muaj Habilaj do të ishte mysafiri i tij dhe më pas do të kalonte për të jetuar në një apartament tjetër. E vetmja mundësi për të dalë nga shtëpia do të ishte dentisti, pasi për t’i bërë pazaret do të kujdeseshin të afërmit.
