Policia Fier ka vënë në pranga 4 persona. Mes tyre edhe një 48-vjeçar nga Lushnja. Ky i fundit akuzohet se ka dhunuar në mënyrë barbare, nënën e tij. Ndërkohë policia ka proceduar penalisht 3 shtetas të tjerë të cilët akuzohen për vepra të ndryshme penale.
Njoftimi:
Vihen në prangat e Policisë 4 shtetas, procedohen penalisht 3 të tjerë për vepra të ndryshme penale.
-Specialistët për Hetimin e Krimeve në Komisariatin e Policisë Fier arrestuan në flagrancë shtetasin D. P., 27 vjeç, banues në Shtyllas, Fier, i cili ka kundërshtuar me dhunë punonjësit e Policisë pasi ka tentuar të futet me forcë në ambientet e Komisariatit të Policisë Fier.
-Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin Sh. P., 48 vjeç, banues në Dushk, Lushnjë, pasi ka ushtruar dhunë fizike ndaj nënës së tij si edhe në kundërshtim me vendimin e Gjykatës ka shkuar te banesa e bashkëshortes së tij, e cila ishte e pajisur me urdhër mbrojtje.
-Specialistët për Hetimin e Krimeve në Komisariatin e Policisë Divjakë arrestuan në flagrancë shtetasin J. M. 29 vjeç, banues në Mërtish, Divjakë, pasi ka ushtruar dhunë fizike dhe psikologjike ndaj nënës së tij, e cila ishte e pajisur me urdhër mbrojtje.
-Specialistët e Sektorit të Qarkullimit Rrugor në DVP Fier arrestuan në flagrancë shtetasin E. A., 39 vjeç, banues në Kreshpan, Fier, pasi është kapur nga shërbimet e Policisë duke drejtuar automjetin tip “Porche” në gjendje të dehur.
-Specialistët për Hetimin e Krimeve në Komisariatin e Policisë Fier proceduan penalisht shtetasin K. T., 46 vjeç, banues në Rërës, Patos, pasi në gjendje të dehur ka keqtrajtuar fëmijët e tij të mitur 15 dhe 13 vjeç.
-U referuan materialet në Prokurorinë pranë Gjykatës së Shkallës së Parë Fier për shtetasin K. T., 26 vjeç, banues në Fier pasi dyshohet se për motive të dobëta ka kanosur me fjalë shtetasin N. N., 28 vjeç, banues në Fier.
-Nga specialistët për Hetimin e Krimeve në Komisariatin e Policisë Fier, është bërë shpallja në kërkim dhe po punohet për gjetjen e shtetasit G. A., 63 vjeç, banues në fshatin Mbyet, Fier, pasi ka bërë kallëzim vëllai i i tij se 63-vjeçari (i cili vuan nga probleme të shëndetit mendor) është larguar nga banesa më datë 01.01.2022 dhe nuk është kthyer më.
-U referuan materialet në Prokurorinë pranë Gjykatës së Shkallës së Parë Fier për shtetasin E. S., 62 vjeç, banues në Mallakastër, pasi për motive të dobëta ka goditur me grushta shtetasin H. P., 65 vjeç.
Materialet i kaluan Prokurorisë, për veprime të mëtejshme proceduarale.
