Një vajzë, e cila kishte njohur një djalë në Tinder, kishte vendosur të shkonte me të me pushime në Spanjë. Madeleine Jaye, 22-vjeç kishte folur me Jason për rreth një muaj para se të takoheshin, madje kishin diskutuar për fëmijët dhe planet e tyre për të ardhmen.
Duke qenë se e konsideronte Jason bashkëshortin e saj potencial me të cilin mund të martohej, ajo prenotoi me miratimim e tij pushime në Spanjë. Ata shkuan, shijuan pushimet, por kur çifti u rikthye në aeroportin e East Midlands, Madeleine tha se një grua shtatzënë po i priste, duke pretenduar se ishte e dashura e Jasonit.
Gruaja tha se do të lindte fëmijën e tij pas dy javësh, sipas studentes së drejtësisë Madeleine. Gruaja shtatzënë më vonë i zbuloi Madeleine se Jason në dukje i përsosur kishte gënjyer për emrin e tij dhe madje edhe moshën, duke pretenduar se ishte 32 vjeç kur ai ishte në të vërtetë 37.
Ai dyshohet se e kishte tradhtuar të dashurën e tij prej katër vitesh me katër gra, dhe partneri i tij pretendoi se ai kishte një histori të ndjekjes së vajzave më të vogla. Studentja e shqetësuar zbuloi gjithashtu se mashtruesi serial kishte një djalë të dytë që e kishte mbajtur sekret.
Beqarja pretendon se Jason ishte takimi i saj i parë në Tinder dhe se ajo ka qenë aq e tronditur nga përvoja sa që e ka fshirë aplikacionin përgjithmonë.
