Kanë vdekur në një aksident ajror në Bolivi, katër spanjollë që po riatdhesoheshin për shkak të krizës së koronavirusit dhe dy pjesëtarë ekuipazhi të avionit.
Të gjashtë personat e vdekur ishin në bordin e një aeroplan të Forcave Ajrore Boliviane, i cili zbriti pasi raportoi për vështirësi teknike, ndërsa u nis drejt qytetit të Santa Cruz dhe u kthye përsëri në aeroportin e tij të nisjes.
Trupat e dy anëtarëve të ekuipazhit së bashku me një mashkull dhe tre gra pasagjerë janë tani në një morgun spitalor lokal.
Avioni u rrëzua rreth gjashtë milje nga qyteti i Trinidad, në Bolivinë veri-lindore, pak para orës 02:00 të mëngjesit, me kohën lokale të shtunën.
Emrat e katër spanjollëve të vdekur janë Francisco Jose Gallegos Gonzalez; Alba Aparicio Fornas; Yandira Oliverra Velarde; dhe Deliz Salvatierra Valverde. Francisco dhe Deliz ishin burrë e grua.
Alba kishte punuar me një organizatë të quajtur “Psikologë pa Kufij” dhe kishte planifikuar të udhëtonte rreth Bolivisë pasi mbaroi një punë gjashtë-mujore para krizës Covid-19.
Të katër pasagjerët do të kryenin një fluturim të dytë të riatdhesimit në shtëpi nga Santa Cruz më vonë këtë javë.
