Kreu i Bashkisë së Tiranës Erion Veliaj ka inspektuar Bovillën për të ndjekur nga afër një investim që sipas tij dyfishon prurjet e ujit në impiant.
Veliaj pavarësisht se jo me emër i është referuar edhe debatit që ka hapur punësimi i dy gazetareve Bieta Sulo dhe Mira Kazhani në UKT me paga shumë të kënaqshme, denoncuar për herë të parë në Faxweb.al.
“Një nga gjërat që duhen shpjeguar më shumë, dhe me ju shpjegu dhe atyre histerikëve, se një nga arsyet pse duhen edhe njerëzit e mediave këtu, në ujësjellës, me ju shpjeggu këto gjëra. Uji këtu del i kulluar, në momentin që shkon në një depozitë që ti se ke pastruar, administratori i pallatit nuk ka bërë detyrën se ti nuk ke zgjedhur administrator, uji të kontaminohet në depozitë, sepse nëë momentin që këtu bën kontaminimin më modern që bën gjithë bota, uji del perfekt. Një pjesë është edhe tubacioni i vjetër nëpër lagje. Nganjëherë është edhe çështje manie që shkojnë dhe vblejnë tek ai i botit, që në fakt e mush shumë më poshtë ujin se ai që e mbush në burim”, tha Veliaj.
Përmes video-regjistrimit të postuar në “Facebook”, Veliaj është ndalur gjatë edhe tek çështja e Teatrit Kombëtar ku ka dhënë mesazhe ndaj aktivistëve dhe artistëve që kundërshtojnë shembjen e tij, opozitës jashtë parlamentare por edhe Presidentit të Republikës.
“Tirana ka stadium të ri që e shanë dhe mori çmim, ka shesh të ri që mori çmim, ka një park të ri dhe mori çmim, ka amfiteatër të ri që e shanë dhe mori çmim, ka pazar të ri që e shanë dhe mori çmim. Tirana do ketë edhe teatër të ri. Për këtë nuk ka asnjë dyshim. Sepse në këtë vend nuk mund të jenë më të zgjuar sportistët që po marrin stadium, më të zgjuar fëmijët që marrin çerdhe, kopshte e shkolla, më të zgjuar turistët që po shohin kalanë dhe pazarin. Dhe nuk as të imagjinohet që të jenë artistët e vetmja radhë që do të rrinë në koliben e tallazhit.
Do të flasim gjatë verës dhe vjeshtës se si do të jetë teatri i ri. Të lejohemi të punojmë. Është themelore që të gjitha mjetet me vlerë që kanë prej 3 vitesh të bllokuara, që janë aty dhe i ha miu mola, që të shkojnë të magazinohen. Le të rrijnë tek kasollja prej kashte, kolibja prej shkrepëse e fashizmit, por nuk kanë pse mbajnë peng dhe mola dhe minjtë e Tiranës të ushqehen me rrobat dhe rolet e artistëve.
Ne nuk e dimë ata mund ti kenë vjedhur, shitur, vandalizuar, ose në rastin më të mirë i kanë lënë pa prekur dhe i ka ngrënë mola dhe mia. Edhe Presidenti i Republikës, nëse është i shqetësuar të mos i lënë sendet me vlerë ti hajë miu dhe mola. Nëse Presidentit i qan zemra për trashëgiminë, sendet me vlerë ti largojnë pastaj flasim për godinën kur ti vijë vakti. Po tani që do e bëjë shteti dhe publiku, ju ra alibia. Mbreti është lakuriq”, tha Veliaj. /Faxweb
