Kryebashkiaku i Tiranës, Erion Veliaj shkel urdhrin e Ministres së Shëndetësisë, Ogerta Manastirliu.
Manastirliu tha dje se përkundër përfundimit të gjendjes së fatkeqësisë natyrore, masat për parandalim e COVID-19, mbeten në fuqi. Ajo saktësoi se disa aktivitete si dasmat, lojërat në ambjente të mbyllura, kinematë, teatrot e tubimet do të vazhdojnë të ndalohen.
Manastirliu shtoi se do të ketë një vlerësim të vazhdueshëm ndaj këtyre veprimtarive nëse ato duhet të rihapen.
Pavarësisht këtij urdhri, kryetari i Bashkisë së Tiranës Erion Veliaj organizoi një koncert në Amfiteatrin e Tiranës. Nga pamjet e publikuara nga vetë ai në rrjetat sociale, dukej se të pranishmit nuk po respektonin distancimin social.
/Gazeta Atdheu/