Kryeministri Edi Rama është pyetur nga gazetarët nëse do të tërhiqen paratë që janë dhënë në Covax për të siguruar vaksinën dhe përse nuk është bërë publike ardhja e vaksinave në vendin tonë.
Rama është shprehur se paratë nga Covax nuk do të tërhiqen pasi presin që kjo organizatë të funksionojë dhe të sigurojnë dozat e duhura të vaksinës.
Në lidhje me transparencës së ardhjeve të vakinës në vend ai është shprehur se vendi i BE-së që ka dhuruar vaksinat nuk dëshiron që të bëhet i ditur dhe do të mbëtet konfidencial.
“Së pari Covax nuk është vaksinë është një sistem i ngitur për të garantuar aksesin. Së dyti nuk do i tërheqim paratë sepse s’kemi arsye do të funksionojë një një kohë të caktuar se kur është kjo kohë nuk e dimë. Vendet kanë rendur të bëjë ‘se kush për vete Zoti për të gjithë’.
BE fare mirë mund të linte një pjesë sado të vogla për vendet e rajonit, sikur edhe vetëm për mjekët e Infektivit. Ne do ja çojmë Kosovës një sasi të dozave sepse ne nuk e harrojmë që në radhë të parë jemi njerëz, e para është solidariteti. Kshu që në këtë situatë kemi bërë më të mirën dhe e kemi bërë mirë. Vendet e tjera nuk janë ende në gjendje të fillojnë vaksinën dhe nuk e kanë të qartë se kur do ta nisin.
Zhdoganimi procesi ka filluar të premte dhe sot në orën 0900 është kryer. Vendi që na i ka dhënë ka kërkuar konfidencialitet. Në një ditë të caktuar shpresoj që unë ta them dhe ta falenderoj por për momentin nuk mundem. Ka kërkesa dhe këtë e kërkojnë të gjitha vendet. Sepse nëse një vend e bën këtë për Shqipërinë nuk dëshiron që 12 vende të tjera t’i thonë bëje edhe për ne. Pse e bën për ne, se di , keni Edi Ramën kryeministër,” tha Rama ndër të tjera./newsbomb