Komisioni i Pavarur i Kualifikimit (KPK) vendosi sot të shkarkojë nga detyra dy gjyqtarët Bernina Kondi dhe Petrit Aliaj.
KPK e justifikoi vendimin me argumentin se Kondi e Aliaj nuk justifikojnë pasurinë.
Prej vitit 2013 Kondi ka ushtruar detyrën si gjyqtare e Gjykatës Administrative të Apelit, ndërsa Aliaj, po prej këtij viti, ka ushtruar detyrën e gjyqtarit në Gjykatën e Apelit Vlorë.
Të premten KPK-ja kishte shqyrtuar figurën e këtyre gjyqtarëve mbi bazën e kritereve të pasurisë dhe profesionalizmit.
Kondi e ka nisur karrierën në gjyqësor pas vitit 2004, fillimisht në Berat, ndërsa Aliaj prej vitit1995 me fillimet në Delvinë dhe Sarandë.
Më parë në vitin 2004 Aliaj ishte shkarkuar nga Këshill i Lartë i Drejtësisë për veprime “në kundërshtim me detyrën”, por shkarkimi u revokua dy vite më vonë te Kolegjet e Bashkuara të Gjykatës së Lartë.