Dy ditë pas zgjedhjeve të 25 Prillit, në disa qarqe vijon ende numërimi i votave, ndërsa në disa të tjera procesi është mbyllur, duke na dhënë një panoramë më të qartë të ngjyrave që do të ketë parlamenti në katër vitet e ardhshme.
PS e drejtuar nga Edi Rama po shkon drejt një mandati të tretë qeverisës, si askush më parë në këti 30 vite tranzicion, ndërsa PD e drejtuar nga Lulzim Basha, pavarësisht një rritje të konsiderueshme në mbështetje në krahasim me 2017-tën, nuk ia ka dalë që të marrë shumicën, duke mbetur derimë tani në projeksionin e 59 mandateve.
Nëse i marrim me rradhë qarqet e vendit, ajo që bie në sy është se veriu është kryesisht në mbështetje të PD-së, ndërkohë që jugu mbetet partizan i socialistëve, ndërsa vijon ende numërimi në Tiranë dhe në Durrës.
Në rang vendi projeksionet e deritanishme janë PS 73 mandate, PD 59 mandate, LSI 5 mandate dhe PSD 3 mandate.
Situata në 12 qarqet e vendit:
Në Kukës numërimi i votave ka përfunduar, PD merr 2 mandate, PS merr 1 mandat
Në Dibër numërimi i votave ka përfunduar, PD ka marrë 3 mandate , PS ka marrë 2 mandate
Në Shkodër mbeten ende 5 kuti për tu numëruar, PD ka marrë 5 mandate, PS 3, PSD 2 dhe LSI 1, sipas projeksioneve të deritanishme
Në Lezhë kanë mbëtur dhe 2 kuti për tu numëruar, PS merr 4 mandate , PS merr 3 mandate
Në Elbasan janë numëruar të gjitha kutitë e votimit, PS merr 8 mandate, PD merr 6 mandate, ndërkohë që socialistët pretendojnë se sipas kalkulimeve të tyre mund të sigurojnë mandatin e 9-të, për shkak të disa pretendimeve për parregullsi
Në Korçë numërimi po shkon drejt fundit, sipas projeksioneve të deritanishme PS ka marrë 6 mandate , PD ka marrë 5 mandate
Në Berat ka pasur një garë të fortë në momentet e fundit , ku PS i ka rrëmbyer mandatin LSI-së. Projeksioni final është PS 5 mandate, PD 2 mandate, LSI asnjë mandat deri tani
Në Gjirokastër ka përfunduar numërimi i votave, ku PS ka marrë 3 mandate dhe PD 1 mandat
Në Vlorë numërimi ka përfunduar PS ka marrë 8 mandate, PD ka marrë 4 mandate
Në Fier kanë mbetur dhe dy kuti pa u përllogaritur nga KQZ, PS 9 mandate, PD 6 mandate dhe LSI 1 mandat
Në Durrës kanë mbetur ende më shumë se 100 kuti pa u numëruar, projeksionet e deritanishme flasin për PS 7 mandate , PD 6 mandate dhe LSI 1 mandat
Në Tiranë mbetet për tu numëruar dhe më pak se 400 kuti votimi, ku projeksionet e deritanishme janë PS 18 mandate, PD 15 mandate, LSI 2 mandate dhe PSD 1 mandat.
(E.K/Faxweb.al)
