Mes tensioneve dhe protestës së zhvilluar para Kuvendit, një moment solidariteti ka spikatur mes qytetarëve dhe efektivëve të policisë. Pavarësisht përplasjes së qëndrimeve dhe atmosferës së ngarkuar, disa protestues kanë zgjedhur të bëjnë një gjest human ndaj forcave të rendit.
Për shkak të temperaturave të larta dhe kushteve të vështira atmosferike, protestuesit u kanë ofruar shishe me ujë efektivëve të policisë, të cilët prej orësh ishin të angazhuar në ruajtjen e rendit dhe sigurisë pranë godinës së Parlamentit.
Gjesti është vlerësuar nga të pranishmit si një shenjë respekti njerëzor, duke treguar se, pavarësisht tensioneve dhe kundërshtive gjatë protestës, solidariteti dhe humanizmi mund të prevalojnë në momente të caktuara.
