Një sherr i fortë ka ndodhur gjatë mesditës së sotme në shtabin e PS në Durrës.
Burime për mediat bëjnë me dije se në sherr u përfshinë kandidatët e PS-së për Durrësin Alban Xhelili dhe Erion Meka. Shkak i sherrit janë bërë disa përplasje brenda grupit për shkak të përdorimit të mbështetësve për fushatë.
Më pas sherri ka agravuar në shkelma dhe grushta ndaj njëri-tjetrit. Ata janë zënë në brendësi të ambientit që përdoret nga Partia Socialiste në zonën e Plazhit në Durrës dhe më pas kanë vijuar jashtë.
Në vendngjarje kanë mbërritur forca të shumta policore.