Juventus ka fituar 4-1 derbin kundër Torinos, ku nuk e ka vendosur në diskutim për asnjë moment rezultatin. Bardhezinjtë kryesojnë kampionatin me 7 pikë diferencë nga Lacio e vendit të dytë që ka edhe një ndeshje më pak.
Ndeshja nisi menjëherë me dominimin e Juventus dhe pas vetëm 3 minutash lojë gjetën avantazhin me anë të Paulo Dybala.
Në minutën e 29-të, Ronaldo shërbeu për Cuadrado i cili nuk gaboi duke dyfishuar rezultatin.
Në fundin e pjesës e parë, Torino ngushtoi diferencën në 2-1 me të zakonshmin Andrea Belotti, i cili nuk gaboi nga pika e bardhë e penalltisë.
Por shpresat e klubit granata do të shuheshin përfundimisht me rifillimin e pjesës së dytë, kur ylli portugez shënoi një gol fantastik nga goditja e dënimit, duke i çuar shifrat në 3-1.
Pjesa e mbetur e lojës ishte administrim nga ana e 35 herë kampionëve të Serie A.
Në minutat e fundit të takimit kishte kohë edhe për golin e katërt, por këtë herë ishte mbrojtësi i Torinos Djidji që shënoi në portën e tij.
Juventus 4-1 Torino
Golat: Dybala 3′, Cuadrado 29′, Ronaldo 64′, Djidji 87′ (autogol)/ Belotti 45’+6 (p)
/GazetaAtdheu.com/
