Momente aspak të këndshme për Vittorio Sgarbin këtë të enjte.
Sgarbi është nxjerrrë sot me forcë nga salla e parlamentitti italian teksa refuzoi të dilte pas urdhrit të zv. kryetares Mara Carfagna, prej ofendimeve ndaj saj.
«Nuk mund të ofendohen kolegët duke përdorur fjalë të pista”, tha Carfagna mes duartrokitjeve të sallës. Konfrontimi lindi pasi Sgarbi nisi të kritikonte ashpër ligjin e ri për drejtësinë dhe nisi të quajë gjykatësit italianë ‘mafiozë’.
Por pas kërkesës së kryetares për të ndaluar retorikën e tij ai iu drejtua Carfagna-s dhe deputetes së Forza Italia, Giusi Bartolozzi, me fjalë rruge si «vaffanculo», «stronza», «troia» dhe disa të tjera që nuk kuptohesin mirë në sallë.
Pas refuzimit të kërkesës së Carfagna për të dalë nga salla, katër deputetë të ‘Fratelli d’Italia’ dhe të ‘Lega’ e ngritën peshë atë, dy nga këmbët e dy nga krahët, mes duartrokitjeve të sallës që thërriste “Turp, turp!”
Carfagna tha më pas se Sgarbi “e ka trasformuar këtë sallë në një ‘show’”.
“Nuk është hera e parë që ai e përdor parlamentin për ndërhyrjet e tij të pandershme”, shtoi ajo.
/Gazetaatdheu.com/
