Qyteti jugor i Sarandës këto muaj krize po e vuan si gjithë bregdeti, mungesën e pushuesve, por jo të skandaleve dhe sherreve.
Një rast “fringo” i ri rrahjeje masive ndodhi mbrëmjen e djeshme në bulevardin e qytetit, rreth orëve të mbrëmjes.
Sipas dëshmitarëve okularë, ishte një femër ajo që u bë “molla” e sherrit.
Të bërtiturat dhe sharjet e dy grupeve me djem, alarmuan banorët e zonës, të cilët kanë dalë në ballkone për të parë ç’po ndodhte.
Dy grupe djemsh, sipas dëshmitarit që pa skenën, u përfshinë në një konflikt fizik për shkak të një vajze.
Ai thotë se, vajza e cila ishte duke vrapuar, ishte arsyeja pse plasi grushti masiv midis të rinjve.
Ai shton se, policia erdhi me vonesë dhe thjesht i shihte, e pafuqishme për t’i ndarë.
/Burimi: JOQ-Albania/Gazetaatdheu.com/