Një moment pikant mes tifozësh, është regjistruar sot në seancën e Kuvendit.
Disa deputetë socialistë, tifozë të Tiranës, me rastin e shpalljes kampion të ekipit të tyre të zemrës, i kanë bërë një dhuratë simbolike zv.kryeministrit Erion Braçe.
Ky i fundit, tifoz i deklaruar i Partizanit, mori një qeleshe me ngjyrat bardheblu, e ku shkruhej “Tirona”.
Këto qeleshe ishin përgatitur dje nga klubi i Tiranës, si dekor për festimin e kampionatit.
Braçe e ka marrë këtë dhuratë nga deputeti Xhemal Qefalia, ndërkohë që videon e ka publikuar Taluant Balla, që në mesazhin e tij shkruan: “Forca Tirona! Edhe Erion Braçe pranon dhuratën e tifozave të Tironës në Grupin tonë, Xhemali, Sadi, Ervini e plot të tjerë. Tirona kampion për ? vjetor!”.
https://streamable.com/h4razx
/Gazetaatdheu.com/