Një zjarr i përmasave të mëdha sapo ka rënë përpara pak çastesh në periferi të kryeqytetit në zonën e Kasharit.
Retë e zeza të tymit që është ngritur deri tej në qiell kanë mbuluar të gjithë zonën përreth Kasharit dhe “Astirit”, ku pak më parë u nisën edhe zjarrfikëset për shuarjen e tij.
Burime nga vendngjarja që kanë sjellë edhe disa video, i thanë “Gazetaatdheu.com” se, zjarri kishte rënë në një pikë grumbullimi të automjeteve të vjetra.
Nuk dihen ende mirë shkaqet e rënies së zjarrit, nëse është aksidental apo i qëllimshëm.
Kjo i mbetet policisë dhe organeve të hetimit që kanë shkuar në vendngjarje, dhe pas fikjes së zjarrit do të nisin punën për zbardhjen e rrethanave.
/Gazetaatdheu.com/
