Tragjedia e ndodhur vetëm pak orë më parë në Himarë, ka sjellë momente trishtuese te familjarët e gruas së ndjerë që sot humbi jetën si pasojë e stuhisë në det.
Me lot dhe dhimbje te dera e spitalit në Himarë, kanë pritur familjarët lajmin e kobshëm për fatin e të afërmes së tyre.
Tre pjesëtarë të një familjeje dhe një person tjetër i katërt, kishin dalë në det për të mbledhur rrjetat e peshkimit, kur varka e tyre u përmbytu.
Fatkeqësisht trupi i një gruaje është gjetur i mbytur, ndërsa tre personat e tjerë janë shpëtuar mrekullisht.
Lidhur me ngjarjen ka folur edhe një i afërm i familjes.
Ai tha se ata punonin familjarisht në peshkim, ndërsa kishin ardhur në Himarë pas nisjes së sezonit.
Teksa ai flet, pranë tij e motra e gruas së mbytur shihet teksa shpërthen në lot.
I afërmi shprehet:
“Mua më njoftoi nipi, babë e bir ishin më rëndë, ndërsa djali tjetër është më rëndë, të shoqen nuk e kanë gjetur akoma.
Punonin me varkë, kishin dalë për të mbledhur rrjetën familjarisht.
Nuk janë nga Himara, kanë nja 2-3 vjet që punon këtu”.
/Gazetaatdheu.com/
