Shqipëria dhe Kosova më në fund do të krijojnë një ligë të përbashkët në basketboll. Pas déshtimit në krijimin një lige të përbashkët në futboll, kjo ëndërr është bërë më në fund realitet në një sport po kaq të dashur dhe të ndjekur në 2 shtetet shqiptare.
Liga do të quhet “Liga Unike” dhe do të marrin pjesë katër ekipet më të mira nga të dy shtetet. Liga do zyrtarizohet këtë të enjte ku në ceremoni do të jetë edhe kryeministri Rama. Ai ka zbuluar dhe logon e kësaj lige.
Marrëveshja historike do të nënshkruhet në Tiranë ndërmjet Federatës Shqiptare të Basketbollit (FSHB) dhe Federatës së Basketbollit të Kosovës (FBK) për thémélimin e Ligës së përbashkët të basketbollit Të enjten, më 10 shtator, ora 19:00.
Atë do e nënshkruajnë, Presidenti i FSHB-së, Z. Avni Ponari, kryetari i FBK-së, Z. Arben Fetahu, në praninë e Znj. Besa Shahini, Ministre e Arsimit, Sportit dhe Rinisë në Shqipëri dhe Znj. Vlora Dumoshi, Ministre për Kulturë, Rini dhe Sport e Kosovës.
Marréveshja u arrit pas një pune intensive dhe shumë të gjatë mes dy federatave të cilat më në fund bënë realitet një ëndërr të shqiptarëve , atë për krijimin e një lige mes Shqipërisë dhe Kosovës. Ëndrra u arrit dhe në këtë ligë do të lozin 8 skuadra, katër më të mirat nga Kosova dhe katër më të mirat nga Shqipëria.
Liga Unike fillon së shpejti dhe parashikohet të jetë kompeticion shumë interesant, duke zgjuar interesimin e tifozëve shqiptarë. Në parket pritet të ketë shumë rívalítet mes skuadrave që do të jenë pjesë e këtij kompeticioni.
Krijimi i kësaj ligevështë një hap i madh dhe një arritje historike për basketbollin për shtetet tona.Projekti është përkrahur gjithashtu nga FIBA Evropës.
