Një paralajmërim i fortë vjen nga një virolog italian lidhur me të ardhmen e afërt të koronavirusit.
Andrea Crisanti, Drejtori i Mikrobiologjisë dhe Virologjisë së Universitetit të Padovës ka deklaruar se “numrat e epidemisë tani janë të ulta, por ekziston një element që duhet të na bëjë të jemi shumë të shqetësuar”.
Dhe cili është ky faktor?
Rastet e reja nuk janë zvogëluar për javë të tëra dhe devijimet nuk janë shumë domethënëse. “Diçka nuk po funksionon”, thotë Crisanti,
Drejtori i Mikrobiologjisë dhe Virologjisë, në një intervistë për “Il Messaggero”, tha se “ne jemi me fat që virusi duket i ndjeshëm ndaj kushteve klimatike, përndryshe do ishim të shkatërruar. Por ajo që po na kursen tani, nuk do të na kursejë përsëri në vjeshtë-dimër”.
Ai theksoi gjithashtu se “koronavirusi qarkullon shumë më tepër nga sa mendojmë”.
“Ende nuk kemi kuptuar shumë nga ky virus. Ende ka shumë, shumë gjëra për të kuptuar”, shtoi.