Këngëtari Labinot Tahiri këngëtari është shprehur kundër masave anti-COVID, teksa është shprehur se do të nisë sërish të këndojë dhe të mbajë koncerte.
Përmes një reagimi në rrjete sociale, Tahiri vë theksin tek fakti se gjatë zgjedhjeve në Kosovë, tubimet e klasës politike u mbajtën ndërsa shton se kushdo që infektohet, le të izolohet në shtëpi.
“Nga java tjetër, nëpër lokalet e Ferizajit dhe në të gjitha lokalet e Kosovës. Kushdo që infektohet le të izolohet në shtëpi, e mos të dalin llafazana të thonë virusi virusi, se kishte virus edhe në fushatë. Kështu vaksina nuk keni dhe keni me mbetur mbyllur edhe 1 vit.Pa punë nuk shkon, duket të sakrifikojmë që t’iu dërgojmë në shtëpi fëmijëve të ushqehen, e t’u blejmë libra.”, është shprehur Labinoti.
Industria muzikore ka qenë një ndër sektorët më të prekur nga pandemia botërore dhe artistët iu desh të anulonin koncertet.
