Shkencëtarët kanë zbuluar një mutacion unik të koronavirusit në Arizona të SHBA.
Ata thonë se ky është një mutacion që e kanë parë në të shkuarën, gjatë epidemisë së SARS në vitin 2003.
Sipas Daily Mail, nuk është një mutacion i zakonshëm, por një mutacion që e bën infeksionin më të dobët.
Pikërisht kur ndodhi ky mutacion te virusi SARS, ai nisi të bëhej më i dobët dhe nuk u regjistruan më raste të reja. Në fund, epidemia u quajt e mbyllur.
Viruset pësojnë mutacione gjithmonë. Për fat, në rastin e koronavirusit të ri është zbuluar se këto mutacione nuk janë aq të shpejta sa ta bëjnë të panevojshme punën kërkimore për një vaksinë.
