Më 10 tetor 2024, gazetarët shqiptarë shprehën shqetësimin e tyre për pamundësinë të raportojnë nga afër vizitën e Presidentit turk, Recep Tayyip Erdogan, në Presidencën shqiptare. Ndryshe nga reporterët e huaj, ata u detyruan të mbulonin ngjarjen nga larg për shkak të masave të sigurisë.
Komunikimet nga zyra e shtypit të Presidencës u bënë në momentet e fundit dhe informacionet e plota u përcollën shumë më vonë, ndërkohë që mediat ndërkombëtare tashmë raportonin gjerësisht mbi vizitën.
Gazetarët kritikuan mungesën e transparencës dhe qasjen e pabarabartë krahasuar me mediat e huaja, duke e cilësuar si diskriminuese për mediat shqiptare.
“Institucionet duket se shqetësohen më shumë për imazhin e tyre në mediat e huaja,” – tha një prej gazetarëve të pranishëm.
