Ischgl, një resort turistik që mendohet se e ka shpërndarë virusin në shumë vende të Europës.
Njihet edhe si Ibiza e Alpeve. Qindra e mijëra njerëz nga Europa shkojnë për ski.
Mendohet se shumica e banorëve e kanë kaluar virusin pa dijeninë e tyre.
Pas një studim i Universitetit të Innsbruck-ut në Austri është zbuluar se gjysma e banorëve të fshatit Ischgl kanë antitrupa për koronavirusin.
Edhe pse u be e qartë se një klub i famshëm po kthehej në vatër infeksioni, resorti nuk u mbyll, ku më pas solli edhe mijëra raste me Covid-19.
Autoritetet austriake po hetojnë për rastin, mendohet se fshati nuk u mbyll me qëllimin e fitimeve nga sezoni turistik.
HISTORIA
Më 29 shkurt, një avion u ul në kryeqytetin islandez, Rejkjavik. Në bord, shumica e pasagjerëve ishin turistë, që sapo ishin kthyer nga pushimet në fshatin Ischgl në Tirol të Austrisë.
Të rinjtë kishin bërë ski në fshatin me 1500 banorë, të njohur si parajsa e skive.
Për shkak të situatës së koronavirusit, ata iu nënshtruan testimeve. Gjysma e tyre ishin pozitivë.
Menjëherë u kuptua se zona e Tirolit ishte e rrezikshme.
Për pak ditë u kuptua se rasti i Islandës nuk ishte i izoluar. Shumë vende në Europën qendrore dhe veriore kishin raste të importuara nga Tiroli i Austrisë. Më 7 mars, autoritetet norvegjeze testuan një grup turistësh që kishin qenë në Ischgl për ski.
Të nesërmen u mësua se thuajse gjysma e personave të infektuar në Norvegji, 491 nga 1198, kishin qenë në Ischgl për ski.
Më 13 mars, edhe Gjermania e shpalli këtë zonë të rrezikshme, pasi 200 njerëz që kishin qenë me autobus në Ischgl, rezultuan pozitivë.
Pavarësisht alarmit, edhe fundjavën vazhdoi turizmi në Ischgl. Më 15 mars u lajmërua për situatën.
Qindra turistë nisën të largohen, shumë prej tyre pa u testuar.
Qindra e mijëra raste nëpër Europë e kanë origjinën nga ky vend. “Babëzia për paratë e mposhti përgjegjshmërinë për shëndetin e njerëzve”, tregohet e ashpër gazeta austriake Der Standard në një koment.
Sipas saj, qeveria lokale e Tirolit kërkonte të grumbullonte sa më shumë të ardhura deri në fund të sezonit turistik./gazetaatdheu.com/
