Situata rreth termocentralit bërthamor të Ukrainës në Zaporizhzhia është “shqetësuese”, i tha presidenti rus Vladimir Putin kreut të mbikëqyrësit bërthamor të OKB-së, Rafael Grossi.
Televizioni shtetëror rus tregoi se Putini takohej me Grossin në Shën Petersburg dhe tha se ai ishte “i hapur për dialog” për këtë çështje.
Ai i tha gjithashtu Grossit, i cili drejton Agjencinë Ndërkombëtare të Energjisë Atomike, se bota aktualisht po dëshmonte “elemente të politizimit tepër të rrezikshëm të gjithçkaje që lidhet me aktivitetin atomik”.
Trupat ruse kapën uzinën e Zaporizhzhia në fillim të marsit, por kanë mbajtur stafin ukrainas të stacionit.
Më herët të martën, zëvendësdrejtori i objektit u rrëmbye nga rusët, thanë autoritetet në Kiev.
Centrali bërthamor ndodhet në pjesën e pushtuar nga Rusia të rajonit jugor të Zaporizhzhia. Ai është bombarduar vazhdimisht, me Kiev dhe Moskë që fajësojnë njëri-tjetrin për sulme të tilla.
Në fillim të këtij muaji, Putin shpalli aneksimin e Zaporizhzhia-s dhe tre rajoneve të tjera të Ukrainës – një veprim i dënuar nga Kievi dhe aleatët e tij perëndimorë.
