Vrasja e presidentit të Haitit Jovenel Mose ka qënë në qëndër të vëmëndjes në të gjitha mediat botërore.
Pas incidentit vendi erdhi në prag të kaosit ndërsa rrugët e Haitit u kthyen në një fushë beteje.
Të shtënat me armë shpërthyen në të gjithë kryeqytetin.
Udhëheqësi mercenar u identifikua si ish-shefi i një njësie të lartë ushtarake kolumbiane kundër terrorizmit dhe policia pretendoi se një pjesë e ekipit të vrasjes ishte në vend tre muaj para sulmit.
Autoritetet janë ende në kërkim të mercenarëve që janë në arrati.
Nuk kishte asnjë informacion se kush e dha urdhrin për grusht shteti.
Policia haitiane tha se banda e përfshirë në vrasjen e presidentit përfshinte 26 kolumbianë dhe dy amerikanë të Haitit.
Por së fundmi një video tronditëse po qarkullon në rrjete sociale ku dy të dyshuar për vrasjen e presidentit Mose janë lidhur me litar, njëri prej tyre shihet i mbuluar në gjak dhe shtyheshin midis britamve të turmës.
Shefi i policisë në Haiti u bëri thirrje njerëzve të qëndrojnë të qetë dhe të lënë policinë të bëjë punën e saj.