Ende pa u tharë mirë gjaku i krimit të tmerrshëm që tronditi javën e kaluar qytetin e Elbasanit, del në skenë emri i Taulant Basllës.
Ngjarja po zbardhet në shumë dimensione, ku Florian Lamçja, u godit për vdekje nga dy shokët e tij, pas një sherri për motive të dobëta.
Kjo vrasje erdhi pas dy ekzekutimeve vetëm 10 ditë më parë në qytet.
Pas vrasjes së Florian Lamçes në Elbasan, policia arrestoi shokët e tij, Sokol Sanxhaktarin dhe Adriano Hajdarin.
Sanxhaktari, emri më i lakuar për këtë krim është edhe dhëndri i ish-kryebashkiakut Qazim Sejdini.
Ndërkohë ish-kryeministri Sali Berisha, ka denoncuar se Adriano Hajdari, ishte i punësuar në administratën shtetërore lokale.
Sipas të dhënave nga një denoncim në “Qytetari dixhital”, Hajdarin e kishte punësuar në këtë detyrë vet deputeti i zonës, Taulant Balla.
Ja postimi i ish-kryeministrit Sali Berisha në Facebook:
“Vrasësit ishin të partisë!
Ditën punonte në administratë, natën vriste!
Ishte me dy rroga!
Njërën si punonjës, tjetrën si killer. sb
Doktor përshëndetje… Adriano Hajdari, i arrestuari si bashkëpunëtor në vrasje, bashke me Sanxhaktarin, kishte miqesi dhe ishte i punësuar nga Tao Tao dhe Gledian Llatja në administratën e spitalit në Elbasan… Prandaj vrasin e presin sepse kanë përkrahjen e Taulantit të partisë… Anonim ju lutem”.
Foto e Adrianos nga ambientet e zyrës së punës.
/Gazetaatdheu.com/