Mbrëmjen e 23 Majit brenda Komisariatit nr.3. në Tiranë, teksa po ndërroheshin turnet Ludjan Zaimi i ekzekutoi në ambientet e punës kolegun e tij Çaush Salias.
Në Gjykatën e Tiranës ka mbërritur për gjykim dosja e efektivit. Prokuroria i ka përfunduar hetimet disa javë më parë, ndërsa iu la kohë avokatëve të paraqesin kundërshti, para se dosja të dërgohet në seancë paraprake.
Pretendohet se vrasja ka ndodhur për shkaqe personale. Avokati mbrojtës ka paraqitur edhe argumenta sa i përket trajtimit të klientit të tyre me medikamente pasi vuante nga çrregullimi të shëndetit mendor. Nga ekspertiza është provuar pjesërisht ky pretendim.
