Patrullimi nga ana e Njësisë Speciale të Kosovës ka nisur në Deçan që pas ngjarjes së rëndë të ndodhur mbrëmjen e djeshme. Për pasojë nga sulmi me armë zjarri humbën jetën dy nxënësit Ledion Hamzaj, 16 vjeç dhe Gentiana Mustafaj, 17 vjeç si edhe shoferi i autobusit Gani Gjokaj.
Sipas informacioneve, autori i maskuar i ngjarjes shtiu me breshëri drejt nxënësve, teksa ekspertiza për ngjarjen e rëndë është në vijim. Autobusi që u sulmua nuk është larguar nga vendi i ngjarjes, ndërsa zona po kontrollohet përmes qenve nuhatës.