SPAK, Prokuroria e Posaçme Kundër Korrupsionit dhe Krimit të Organizuar ka kërkuar dënimin me 12 vite burg për Bledar Tetën. Ky i fundit u arrestua pasi vrau ish-efektivin Santiago Malko në Tiranë, në gusht 2019. Përmendim që Teta akuzohet për veprën penale të “Vrasjes së kryer paramendim“ në bashkëpunim në kuadër të “Grupit të Strukturuar kriminal”.
Lajmi është dhënë në seancën e zhvilluar ditën e sotme në ambientet e Gjykatës së Posaçme, Prokurori i çështjes renditi një sërë provash që vërtetonin implikimin e Tetës në vrasjen e Santiago Malkos.
Santiago Malko, ish-polici u ekzekutua në 27 gusht në zonën e “Xhamllikut” në kryeqytet, në makinën e tij tip “BMW X5”.
