Vritet me armë zjarri ekonosmisti i një firme inertesh në Kurbin, plagoset pronari

Vritet me armë zjarri ekonosmisti i një…

Një ngjarje e rëndë ka ndodhur në Kurbin. Mësohet se në rrethana ende të paqarta është vrarë me armë zjarri shtetasi i Selman Mihana 70 vjeç. Ngjarja ka ndodhur në fshatin Gurez, Kurbin, në një firmë ku përpunohen inerte.

Viktima ishte ekonomist i firmës i cili për 3 ditë do të festonte 71 vjetorin e lindjes, teksa i plagosur ka mbetur pronari Ardian Gjeloshi 51 vjeç, i cili është transportuar në spital për ndihmë mjekësore. Mësohet se atentati ishte planifikuar për të vrarë Gjeloshin, por autorët ende të paidentifikuar kanë ekzekutua aksidentalisht, punonjësin, Mihana.

Njoftimi i Policisë:

Kurbin/Informacion paraprak

Rreth orës 07:00, është marrë njoftim se në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi S. M, rreth 70 vjec, ekonomist i firmës, si dhe është plagosur pronari shtetasi A. GJ, rreth 51 vjec, i cili është transportuar në spital për ndihmë mjeksore.

Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit.

Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve.

Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea.

Në një moment të dytë do të ketë njoftim më të plotë në lidhje me ngjarjen.

Më Të Klikuarat

Lajmet e fundit