Presidenti i Serbisë, Aleksander Vuçiç ka thënë se është i gatshëm të vazhdojë dialogun posa të formohet qeveria e re në Kosovë.
Vuçiç i ka thënë mediave në serbi se serbët dhe shqiptarët duhet të kenë marrëdhënie të mira nëse dëshirojnë të jetojnë në paqe.
“Serbët dhe Shqiptarët përfaqësojnë dy nga kombet më të mëdha në Ballkanin Perëndimor dhe ne duhet të kemi marrëdhënie të mira nëse dëshirojmë të jetojmë në paqe”, ka thënë Vuçiç, shkruan b92, transmeton Gazeta Express.
Këto komente Vuçiç i ka bërë pasi aktgjykimi i Gjykatës Kushtetuese i ka dhënë të drejtë Presidentit Hashim Thaçi lidhur me dekretin e mandatarit të ri për formimin e qeverisë.
