Presidenti i Serbisë, Aleksandar Vuçiç do të vizitojë Moskën. Ai deklaroi sot se më 24 nëntor do të udhëtojë për në Moskë, ku një ditë më vonë do të takohet me presidentin e Rusisë, Vladimir Putin.
Vuçiç tha se ka shpresa të mëdha për atë takim dhe se është shumë nervoz, ndonëse nuk po takohej me Putinin për herë të parë.“Çdo ditë ne përgatitemi për atë takim, ndjekim se si rusët arritën një marrëveshje për gazin. Sot çmimi i gazit është përsëri i lartë. Gjermania e ka rritur çmimin e gazit për qytetarët për 18.7 për qind”, tha Vuçiç. “Disa vende të rajonit paguajnë 250 euro për megavat orë dhe çmimi i kostos në vendin tonë është midis 50 dhe 57 euro. Imagjinoni që ne të paguajmë pesë herë më shumë për importe. Nuk mund ta duroni”, theksoi Vuçiç.
