Një xhaxha është shpallur fajtor për vrasjen e mbesës së tij, pasi ajo refuzoi të martohej me detyrim. Studentja e biomjekësisë Somaiya Begum, 20 vjeçe, u gjet e vdekur pak më shumë se një milje larg shtëpisë së saj në Bradford, West Yorkshire, korrikun e kaluar pas një kontrolli policor që zgjati një javë. Ajo u gjet e vrarë me një mjet metalik 11 cm të gjatë që i ishte ngulur në anën e djathtë të krahërorit.
Xhaxhai i saj, Mohammed Taroos Khan, 52 vjeç, mohoi vrasjen, por u shpall sot fajtor pas një gjyqi në Gjykatën e Bradford Crown dhe nesër pritet t’i jepet dënimi. Somaiya kishte jetuar me gjyshen dhe një xhaxhai tjetër në kohën e vdekjes së saj. Prokurorët thanë se Khan pas vrasjes e “paketoi” trupin e mbesës viktimë në disa çanta dhe më pas e hodhi në kosh. Khan u deklarua fajtor për shtrembërim të rrjedhës së drejtësisë duke asgjësuar trupin e saj dhe duke shkatërruar telefonin e saj, të gjetur në një kosh aty pranë.
Gjykata bëri të ditur se Somaiyas i ishte ofruar një martesë në moshën 16-vjeçare nga babai i saj, Yaseen Khan, i cili donte që ajo të martohej me kushëririn e saj të parë në Pakistan. Babai mbeti i poshtëruar dhe i inatosur kur ajo refuzoi propozimin dhe më vonë i tha policisë për planet e tij, tha tezja e saj Ishrath në prova.
Të dy Yaseen dhe vëllai i tij Mohammed Khan u ndaluan të shkonin në adresën ku vajza jetonte. Karl Pitter KC, procedues, tha se Khan e vizitoi shtëpinë tre herë më 25 qershor të vitit të kaluar me automjetin e tij Mitsubishi Space Wagon.
