Lideri i socialdemokratëve në Maqedoninë e Veriut, Zoran Zaev do të jetë kryeministri i ri në marrëveshjen e arritur të koalicionit, ku parashikohet që një shqiptar ta zërë këtë post në fund të mandatit të qeverisë, i pari në këtë vend.
Marrëveshja me partinë kryesore të shqiptarëve të Maqedonisë së Veriut, BDI, parashikon që Zoran Zaev t’ia lërë postin e tij një anëtari të pakicës shqiptare 100 ditë para skadimit të mandatit katërvjeçar të qeverisë së re dhe para zgjedhjeve të ardhshme.
Për herë të parë, një përfaqësues i pakicës shqiptare (gati një e katërta e rreth 1,8 milionë banorëve të vendit) do të zërë pozicionin më të rëndësishëm politik.
“Jam krenar që kemi arritur këtë marrëveshje koalicioni nën të cilën do të kem nderin të udhëheq qeverinë e ardhshme maqedonase për një mandat katërvjeçar”, tha Zoran Zaev, partia e të cilit LSDM-ja fitoi me një diferencë shumë e vogël zgjedhjet legjislative të korrikut.
“Shteti do të vazhdojë të jetë i sigurt, përparimtar dhe të regjistrojë suksese,” shtoi ai.
Kreu i BDI-së, Ali Ahmeti, nga ana e tij ka uruar partnerin e tij për guximin e tij.
/Gazetaatdheu.com/
