Të rinjtë në vendin tonë po përballen me probleme të vazhdueshme në lidhje me pagat.
Për shkak të pretendmeve që ata kanë, pagat e ulta i bën ata të heqin dorë nga një punë e caktuar.
Të rinjtë shqiptarë motivohen nga paga, njohja, vlerësimi nga eprorët dhe kushtet apo ambienti i punës.
26% e të anketuarve rendisin si arsye primare të mosangazhimit të tyre në punë, pagat e ulëta që ofrojnë kompanitë, krahasuar me pretendimet e tyre.
Problematika e dytë për 16% të anketuarve është mentaliteti i punëdhënësit, komunikimi, siguria, përgjegjshmëria.
Së treti, por jo më pak të rëndësishme janë dhe kushtet e punës, trajnimet hyrëse dhe formimi profesional dhe mundësitë e rritjes në karrierë, përkatësisht me 15% të të anketuarve gjithsej secila.
42% e të rinjve shprehen se arsyeja kryesore se përse e konsiderojnë punësimin jashtë Shqipërisë është qëndrueshmëria finaciare dhe sociale. Zhvillimi profesional është thelbësor për 28% të anketuarve.