Një mal prej ari është zbuluar në një fshat në provincën e Kivusë Jugore të Kongos. Njerëzit me lopata në krah u dyndën në mal, veprim ky që i bëri autoritetet të ndalojnë punën në miniera derisa të vendoset më shumë mbikëqyrje.
Nxjerrja e mineraleve me mjete si lopata është e zakonshme në të gjithë Republikën Demokratike të Kongos dhe miniera “artizanale” e arit është veçanërisht e përhapur në lindjen dhe verilindjen e vendit.
Minatorët, tregtarët dhe anëtarët e forcave të armatosura të Kongos (FARDC) u kërkuan të largoheshin nga vendet e minierës përreth Luhihi dhe të gjitha aktivitetet minerare u pezulluan deri në një njoftim të dytë.
Prodhimi i arit në Kongo raportohet në mënyrë sistematike dhe tonelatat e metaleve të çmuara kontrabandohen në zinxhirët e furnizimit global përmes fqinjëve të tij lindorë, raportoi Grupi i Ekspertëve të OKB-së për Kongon vitin e kaluar.