Gjykata e Korçës zbuti masën e sigurisë ndaj Viola Sterjos, ish-zyrtares së akuzuar për ‘mashtrim’ në shuma të mëdha.
Mësohet se arsyetimi kanë qenë fëmijët e saj të mitur të cilët ishin ‘të trishtuar dhe dëshpëruar nga mungesa e nënës’.
Sterjo u arrestua në dhjetor të vitit që shkoi. Pas arrestimit ndaj saj u caktua masa e sigurisë me burg, ndërsa dy muaj më pas mbrojtja kërkoi në gjykatë zëvendësimin e masës së arrestit me arrest në shtëpi.
Ajo u kallëzua nga një biznesmen që pretendon se ajo i kishte marrë 57 mijë euro në vitin 2020 me premtimin se do e ndihmonte të përfitonte një grand prej 3.5 milion eurosh nga Agjencia e Zhvillimit Bujqësor e Rural, AZHBR.
Zbutja e masave të sigurimit ndaj zyrtarëve të akuzuar për vepra penale të ngjashme është diçka rutinë në gjykatat shqiptare dhe argumentet në shumicën e rasteve janë kushtet shëndetësore.