Kur duhet të nisë edukimi seksual te fëmijët? Kjo është një temë që gjithmonë nxit debate dhe diskutime të shumta. Qëndrimet janë nga më të ndryshmet.
Gazetarja e njohur Zhaklin Lekatari thotë se edukimi seksual te fëmijët duhet të nisë që kur ata janë 4 vjeç dhe se ata e kanë të domosdoshme të informohen për këtë gjë.
Përsa i përket moshës se kur duhet të kryejë marrëdhënie seksuale, Lekatari thotë ky është një vendim personal dhe që e vendos vetë individi.
E rëndësishme sipas saj është që t’i japim mjetet e duhura fëmijëve tanë, në mënyrë që ata të bëjën zgjedhjet e duhura, të kuptojnë që trupi i tyre iu përket vetëm atyre.
Marrëdhëniet seksuale janë një vendim shumë personal dhe nuk mund të vendosësh dot një etapë se kur është mosha e duhur ose jo.
“Fëmijët e kanë të domosdoshëm që të informohen për edukimin seksual. E rëndësishme është që t’i japim mjetet e duhura fëmijëve tanë, në mënyrë që ata të dinë të bëjnë zgjedhjet e duhura, të kuptojnë që trupi i tyre i përket vetë atyre.
Që në moshën 4-vjeçare duhet të nisë edukimi seksual. Marrëdhëniet seksuale janë një vendim shumë personal. Nuk jam për vendosjen e disa etapave, është mirë në këtë moshë apo keq në këtë moshë”, tha Lekatari.
