Artemis Vasili, është e reja shqiptare e cila prej 6 muajsh ka humbur gjurmët, ndërsa familjarët apelojnë për gjetjen e saj. Kërkimet kanë nisur që nga momenti i zhdukjes së 19-vjeçares, teksa në ndihmë të misionit pritet të vijë edhe Google e cila po kërkon për shqiptaren Artemis Vasili.
Sipas mediave greke, të dhënat “dixhitale” të 19-vjeçares kanë humbur, pasi dikush ende i panjohur ka fshirë të dhënat elektronike nga email-i. E ndërsa këto të dhëna janë fshirë, Hetuesi i Krimeve Kompjuterike i çështjes, ka kontaktuar menjëherë me ‘Google” në mënyrë që personi i cili ka fshirë këto të dhëna të identifikohet, përpara se këto prova të humbin.
