Një avokat është arrestuar nga policia e Pogradecit, pasi akuzohet se përmes mashtrimit, i ka marrë një personi një shumë të konsiderueshme parash.
Policia e Pogradecit njoftoi se “bëri ndalimin e avokatit D. M., 37 vjeç, banues në Pogradec, pasi Prokuroria e Rrethit Gjyqësor Pogradec me vendimin e datës 03.07.2020, ka urdhëruar ndalimin e këtij shtetasi pasi dyshohet se i ka përvetësuar shtetasit A. X., nëpërmjet mashtrimit, një sasi prej 75000 lekë”.
Materialet në ngarkim të tyre i kaluan Prokurorive të Rretheve Gjyqësore Korçë e Pogradec për veprime të mëtejshme, shtuan të njëjta burime.
/Gazetaatdheu.com/