Një zjarr ka rënë ditën e sotme në një banesë në qytetin e Lezhës. Dosja.al mëson se zjarri ka rënë në katin e dytë të një banesë pesëkatëshe në lagjen ‘Besëlidhja’ në Lezhë. Mësohet se në ndërtesë jetonte e vetme një e moshuar, e cila falë ndërhyrjes së zjarrfikësve ka mundur të shpëtojë pa lëndime.
Shkak për zjarrin mësohet se ka qenë një shkëndijë elektrike. Vatra e zjarrit ishte në kuzhinë, e më pas u përhapën edhe në ambientet e tjera të shtëpisë, por fatmirësisht pa të lënduar.
1 / 3
Zjarr ne Lezhe
Godina që ka marrë flakë ndodhet përballë Prefekturës së Lezhës. Deri tani, nuk raportohet për persona të lënduar por vetëm për dëme të shumta materiale.
