Pasditen e sotme, një zjarr ka rënë në zonën e Laprakës në Tiranë.
Zjarri ka rënë rreth orës 17:35, në parkingun e një pallati në rrugën “Dritan Hoxha”, raportojnë mediat.
Nga shërbimet e Policisë dhe shërbimet zjarrfiksës është bërë evakuimi i menjëhershëm i banorëve dhe po punohet për fikjen e zjarrit.
Në vendngjarje ndodhet dhe shërbimi i ambulancës në rast nevoje për ndihmë mjekësore. Grupi hetimor po punon për përcaktimin e shkakut të rënies së zjarrit.