jarri masiv që nisi ditën e djeshme në magazinën te ‘Casa Italia’ ka lënë tre pesona të zhdukur. ‘News24’ bën të ditur se pronari i kësaj godine ka rënë dakord që të shembet muri i ndërtesës, në mënyrë që të bëhet e mundur gjetja e punonjësit.
Pasditen e djeshme nisi zjarri në magazinën në qendrën tregtare ‘Casa Italia’ në Tiranë. Zjarri i cili mendohej se ishte një rast i zakonshëm përfundoi në një pritje tmerruese për familjarët e personave të zhdukur. Deri më tani raportohet se brenda magazinës ndodhet Arjan Sala, punonjës prej 10 vitesh në qendrën tregtare. Familjarët e tij kanë bërë të ditur se ai iu ka hapur telefonin mirëpo nuk ka thënë asnjë fjalë. Ndërkohë raportohet se brenda magazinës ndodhet një 17-vjeçar dhe një punëtor tjetër. Ende nuk dihet nëse personat janë të gjallë apo të vdekur. Pronari i godinës ka bërë të ditur se mund të shemben muret e godinës nëse do të duhen. Policia ka kërkuar nisjen e hetimeve ndërsa forcat zjarrëfikëse ndodhen në vendngjarje.
