Ardit Toli është lojtari më i ri i Tiranës.
Klubi bardheblu e ka prezantuar sot zyrtarisht mbrojtësin e djathtë.
23-vjeçari, e ka kaluar deri më tani të gjithë karrierën në Greqi, ku ka dalë nga të rinjtë e Olimpiakosit.
Ish-kapiteni i ekipit Kombëtar Shpresa, do të zërë vendin që do lihet bosh nga largimi i Albi Dokës.
Toli bëhet kështu blerja e dytë për Tiranën për merkaton e verës, pas afrimit të sulmuesit Albion Avdiaj. Kujtojmë që ka rinovuar për një sezon edhe argjentinasi Agustin Torasa.
NJOFTIMI I TIRANËS
Ardit Toli vishet bardheblu!
Klubi I Futbollit Tirana njofton afrimin e lojtarit Ardit Toli. Mbrojtësi i djathtë ka arritur dakordësinë dhe pas kryerjes së gjithë analizave të nevojshme është tashmë pjesë e bardhebluve për sezonin e ri. Menjëherë pas nënshkrimit të kontratës, 23 vjecari pritet të vihet nën urdhërat e trajnerit Egbo për t’u stërvitur bashkë me skuadrën. I urojmë suksese me fanellën e re.
/Gazetaatdheu.com/